ალაზანი, ადამატი, წინანდალი, თეთრი მშრალი ღვინო, 2019 წ.

დახასიათება

დაცული ადგილწარმოშობის დასახელების, თეთრი მშრალი ღვინო. დამზადებულია წინანდლის მიკროზონის უმაღლესი ხარისხის ხელით გადარჩეული რქაწითელის ჯიშის ყურძნისაგან. ღვინო დავარგებულია ბატონაჟის მეთოდით. ღია ჩალისფერი. გარგრისა და გულაბი მსხლის არომატით. სრული და ხავერდოვანი გემო. კერძებთან შეხამება: ბოსტნეულის კერძები, თევზის/ზღვის პროდუქტები, ფრინველის კერძები, ყველი. დაგემოვნების ტემპერატურა 10-12°C

ბრენდის ისტორია

“ალაზანი” მდებარეობს ქართული მეღვინეობისთვის ერთ -ერთ გამორჩეულ ადგილას - სოფელ კარდენახში. გადმოცემის მიხედვით, ამ სოფელში ყოველ კარზე ვენახი იყო და მისი სახელწოდებაც აქედან მოდის - “კარი” და “ვენახი” - “კარდენახი”. ამ ქარხანამ ჯერ კიდევ 1970 წელს მიიღო კავკასიის რეგიონის უმსხვილესი ღვინის საწარმოს წოდება. კომპანიას 2016 წელს ახალი სიცოცხლე შთაებერა - გადამზადდა კადრები, აღიჭურვა ახალი დანადგარებით და დაინერგა ახალი ტექნოლოგიები, რომელიც საშუალებას იძლევა ღვინო დამზადდეს როგორც ტრადიციული ქართული, ასევე თანამედროვე ევროპული ტექნოლოგიებით.