ალაფიანი, საფერავი, წითელი მშრალი ღვინო, 2018 წ.

დახასიათება

ალაფიანის წითელი მშრალი ღვინო დაყენებულია კახეთის რეგიონის სახელგანთქმული მუკუზანის და ახაშენის მიკროზონაში, ზღვის დონიდან 550 მეტრზე გაშენებული საფერავის ჯიშის ყურძნისგან. ღვინოს არ გაუვლის ფილტრაცია და ქიმიური დანამატებით დამუშავება, არის ნატურალური. შესაძლებელია წარმოიქმნას ნალექი. საუკეთესო თვისებებს ავლენს 16-18 გრადუს ტემპერატურაზე.

ბრენდის ისტორია

მეღვინეობის კომპანია “ალაფიანი„ დაფუძნდა 2014 წელს, თუმცა კომპანიად ჩამოყალიბებამდე მის დამფუძნებლებს გააჩნდათ ღვინის ქვევრებში დაყენების 20-წლიანი გამოცდილება. 2010-11 წლებში მარანში ჩაიყარა ახალი ქვევრები, შეძენილ იქნა მცირე ვენახი, რომელზედაც გაშენებულია 60% თეთრი (რქაწითელი და მწვანე კახური) და 40% საფერავის ჯიშის ყურძენი. ვენახი ალაფიანი მდებარეობს გურჯაანის რაიონის სოფელ ვაზისუბანში - ალაფიანის ცნობილ ზვრებში,ზღვის დონიდან დაახლოებით 550 მეტრზე, კომპანიის სახელიც სწორედ ამ ტოპომინიდან გამომდინარეობს. აგრეთვე, მათ განკარგულებაშია მეგობრების კუთვნილი ვენახი ქართლის ზონაში, კერძოდ კასპის რაიონის სოფელ ოკამთან, სადაც მოჰყავთ ისეთი ენდემური ჯიშის წითელი საღვინე ყურძნები, როგორიცაა თავკვერი და შავკაპიტო. აღსანიშნავია ის ფაქტორი, რომ ამ ზვრებში უკვე 4 წელია, ვაზის შესაწამლად არ გამოიყენება ქიმიკატები. ბრენდის მთავარი მიზანია არა დიდი რაოდენობით ღვინის წარმოება, არამედ მომხმარებლისთვის ხარისხიანი პროდუქტის მიწოდება.