ალაფიანი, გორული მწვანე, ქვევრის თეთრი მშრალი ღვინო, გაუფილტრავი, 2021 წ.

დახასიათება

ღვინო დაყენებულია ხაშურის რაიონის სოფელ ფლევში გაშენებული ენდემური ვაზის ჯიშისგან - გორული მწვანე. ფერმენტირებულია ქვევრში, არ გაუვლია ფილტრაცია და შემდგომი ქიმიური დამუშავება, წარმოადგენს ნატურალურ პროდუქტს, მოსალოდნელია უმნიშვნელო გამონალექი. რეკომენდებულია, მიირთვათ 14-16 გრადუსზე შეგრილებული.

ბრენდის ისტორია

მეღვინეობის კომპანია “ალაფიანი„ დაფუძნდა 2014 წელს, თუმცა კომპანიად ჩამოყალიბებამდე მის დამფუძნებლებს გააჩნდათ ღვინის ქვევრებში დაყენების 20-წლიანი გამოცდილება. 2010-11 წლებში მარანში ჩაიყარა ახალი ქვევრები, შეძენილ იქნა მცირე ვენახი, რომელზედაც გაშენებულია 60% თეთრი (რქაწითელი და მწვანე კახური) და 40% საფერავის ჯიშის ყურძენი. ვენახი ალაფიანი მდებარეობს გურჯაანის რაიონის სოფელ ვაზისუბანში - ალაფიანის ცნობილ ზვრებში,ზღვის დონიდან დაახლოებით 550 მეტრზე, კომპანიის სახელიც სწორედ ამ ტოპომინიდან გამომდინარეობს. აგრეთვე, მათ განკარგულებაშია მეგობრების კუთვნილი ვენახი ქართლის ზონაში, კერძოდ კასპის რაიონის სოფელ ოკამთან, სადაც მოჰყავთ ისეთი ენდემური ჯიშის წითელი საღვინე ყურძნები, როგორიცაა თავკვერი და შავკაპიტო. აღსანიშნავია ის ფაქტორი, რომ ამ ზვრებში უკვე 4 წელია, ვაზის შესაწამლად არ გამოიყენება ქიმიკატები. ბრენდის მთავარი მიზანია არა დიდი რაოდენობით ღვინის წარმოება, არამედ მომხმარებლისთვის ხარისხიანი პროდუქტის მიწოდება.