Aevit - აევიტი 0.2გ 30 კაფსულა

>აევიტი

სავაჭრო დასახელება:   აევიტი

სამკურნალო ფორმა: კაფსულები

შემადგენლობა:  ერთი კაფსულა შეიცავს რეტინოლის პალმიტატს - 100000 სე, ალფა-ტოკოფერილაცეტატს - 100 მგ.

დამხმარე ნივთიერებები:   მზესუმზირის ზეთი.

კაფსულის გარსის შემადგენლობა:   ჟელატინი, გლიცერინი, გამოხდილი წყალი, ნატრიუმის ბენზოატი.

აღწერა. რბილი ჟელატინის კაფსულები სფეროსებრი ფორმის ჭდით, ბაცი ყვითელი ფერიდან მუქ ყვითელ ფერამდე.

კაფსულის შიგთავსი - ზეთოვანი სითხე  ბაცი ყვითელი ფერიდან მუქ ყვითელ ფერამდე.

ფარმაკოთერაპიული ჯგუფი:  ვიტამინების კომბინაცია

ფარმაკოლოგიური თვისებები

ფარმაკოდინამიკა. 

კომბინირებული პრეპარატი, რომლის მოქმედება განისაზღვრება მასში შემავალი ცხიმში ხსნადი A და E ვიტამინების თვისებებით. 

რეტინოლი (A ვიტამინი) - ცხიმში ხსნადი ვიტამინია, როგორც კოფაქტორი მნიშვნელოვან როლს ასრულებს ჟანგვა-აღდგენით პროცესებში, მონაწილებას იღებს მუკოპოლისახარიდების, ცილების, ლიპიდების სინთეზში. ის აუცილებელია ნორმალური რეპროდუქციული ფუნქციისთვის, ემბრიონული განვითარებისთვის, ეპითელიუმის პროლიფერაციისა და დიფერენცირებისთვის და ოსტეოგენეზისთვის. მონაწილეობს მხედველობითი პიგმენტების წარმოქმნაში, რომლებიც აუცილებელია ნორმალური ფერების აღქმისთვის და სიბნელეში ხედვისათვის. რეტინოლი ზრდის იმუნიტეტს, ასუსტებს რიგი ინფექციური დაავადებების შედეგებს, ხელს უშლის ავთვისებიანი წარმონაქმნების გაჩენას.

ალფა-ტოკოფერილაცეტატს (E ვიტამინი)  გააჩნია ანტიოქსიდანტური თვისებები, ხელს უშლის თავისუფალი რადიკალების მოქმედებას ბიოლოგიურ მემბრანაზე, მონაწილეობს ცილების სინთეზში, უჯრედების პროლიფერაციაში, კანის სუნთქვაში. ხელს უწყობს ერითროციტების სტაბილურობას და თავიდან აიცილებს მათ ჰემოლიზს, აბრკოლებს კაპილარების მომატებულ გამტარიანობას და მსხვრევადობას,  ზრდის ქსოვილების მდგრადობას ჰიპოქსიის მიმართ, სასიკეთოდ მოქმედებს ლიპიდური ცვლის დარღვევაზე.       

E ვიტამინი ხელს უწყობს თვითნებური აბორტის თავიდან აცილებას, მამაკაცური სასქესო ჯირკვლების ფუნქციის ნორმაში მოყვანას, ხერხემლის კუნთების აღდგენას კუნთოვანი დისტროფიის და კუნთების სხვა დაზიანებების დროს. გულ-სისხლძარღვოვანი დაავადებების დროს კომპლექსურ თერაპიაში E ვიტამინი ხელს უწყობს მეტაბოლიზმის ნორმალიზაციას გულის კუნთში, ზრდის სისხლის მიწოდების სისწრაფეს არტერიოლებში, ინარჩუნებს დაჭიმულობას ვენულებში.

ფარმაკოკინეტიკა. 

რეტინოლის პალმიტატი კარგად შეიწოვება წვრილი ნაწლავის ზედა ნაწილში, აღწევს ლიმფურ სადინარებში და ხვდება ღვიძლში. შეყვანის მერე პლაზმაში მაქსიმალური კონცენტრაცია მიიღწევა 4 საათის შემდეგ. რეტინოლი ორგანიზმში არათანაბრად ნაწილდება. მისი უმეტესი რაოდენობა თავმოყრილია ღვიძლში და ბადურაში, მას პოულობენ ასევე თირკმელებში, ცხიმის დეპოში, თირკმელზედა ჯირკვალში და შინაგანი სეკრეციის სხვა ჯირკვლებში. რეტინოლის ცვლის პროდუქტები გამოიყოფა თირკმელებით. ნახევარგამოყოფის პერიოდი შეადგენს 9,1 საათს. 

ალფა-ტოკოფერილაცეტატი შეიწოვება კუჭ-ნაწლავის ტრაქტით, დიდი ნაწილი ხვდება ლიმფაში, სწრაფად განაწილდება ყველა ქსოვილში, გამოიყოფა ნაღვლთან და შარდთან ერთად მეტაბოლიტების სახით. 

 მითითებები მოხმარებისთვის

-      ჰიპო- და  A და E ავიტამინოზი;

-      A და E ავიტამინების მომატებული მოთხოვნილება ორგანიზმში და/ან ორგანიზმის მიერ მათი შემცირებული მიღება;

-      გაზრდილი ფიზიკური და გონებრივი დატვირთვის, სტრესული მდგომარეობის დროს.

-      ხანგრძლივი და/ან მძიმედ მიმდინარე დაავადებების, მათ შორის ინფექციური დაავადებების, შემდგომ აღდგენით პერიოდში;

-      სხვადასხვა ეტიოლოგიის ასტენიკური მდგომარეობების დროს;

-      დაუბალანსებელი და არასრულფასოვანი კვების დროს.

მიღების წესი და დოზები

„აევიტის“ კაფსულები მიიღება შინაგანად საკვების მიღებისგან დამოუკიდებლად ყოველდღე 1 კაფსულა 20-40 დღის განმავლობაში 3-6 თვიანი შუალედებით. 

სიფრთხილის ზომები

პრეპარატი სიფრთხილით უნდა მიიღონ ავადმყოფებმა, რომლებსაც აღენიშნებათ თრომბოემბოლიის მომატებული რისკი, კორონარული არტერიის მძიმე ათეროსკლეროზი, სისხლის მიმოქცევის ქრონიკული უკმარისობა, მწვავე და ქრონიკული ნეფრიტი, ქოლეცისტიტი, ჰეპატობილიარული სისტემის მძიმე დაზიანებები. 

არ არის რეკომენდებული დაინიშნოს ხანგრძლივი დროით სხვა პოლივიტამინურ პრეპარატებთან ერთად, რადგან შესაძლებელია ცხიმში ხსნადი ვიტამინების (A და E) ზედოზირება. 

აუცილებელია მკაცრად დაიცვათ დოზირების მითითებები, რადგან შესაძლებელია განვითარდეს A ჰიპერვიტამინოზი. 

პრეპარატის გამოყენებისას საჭიროა იმის გათვალისწინება, რომ იგი შეიცავს დიდი რაოდენობით ვიტამინ A-ს (100 000 მე), და ასევე იმისიც, რომ  ის არის სამკურნალო საშუალება და არა პროფილაქტიკური. 

ორსულობა და ლაქტაცია. პრეპარატი უკუნაჩვენებია ორსულობის დროს. 

A ვიტამინის მომატებული დოზის ტერატოგენური ეფექტი ნარჩუნდება მისი მიღების შეწყვეტის მერეც, ამიტომ ორსულობის დაგეგმვა პრეპარატის მიღების დროს რეკომენდებულია მხოლოდ 6-12 თვის შემდეგ. 

ავტომანქანის ტარების ან  სხვა მექანიზმების მართვის უნარზე ზეგავლენა

არ მოქმედებს.

ურთიერთქმედება სხვა სამკურნალო საშუალებებთან

ერთდროული მიღების დროს A ვიტამინი ასუსტებს Ca2+  პრეპარატების ეფექტს, ზრდის ჰიპერკალციემიის განვითარების რისკს. 

კოლესტირამინი, კოლესტიპოლი, მინერალური ზეთები, ნეომიცინი ამცირებს A და E ვიტამინების ადსორბციას (შესაძლოა საჭირო გახდეს მათი დოზების გაზრდა). 

პერორალური კონტრაცეპტივები ზრდიან A ვიტამინის კონცენტრაციას პლაზმაში.

რეტინოლი ამცირებს გლუკოკორტიკოიდების ანთების საწინააღმდეგო მოქმედებას. 

იზოტრეტინოინი ზრდის A ვიტამინით ინტოქსიკაციის განვითარების რისკს. 

დიდი დოზით A ვიტამინის (50 000 ერთ. და მეტი) და ტეტრაციკლინის ერთდროული მიღება ზრდის ქალასშიდა ჰიპერტენზიის განვითარების რისკს. 

E ვიტამინი აძლიერებს გლუკოკორტიკოსტეროიდების, არასტეროიდული ანთების საწინააღმდეგო პრეპარატების, ანტიოქსიდანტების ეფექტს, ზრდის ეფექტურობას და ამცირებს A და D ვიტამინების, გულის გლიკოზიდების ტოქსიკურობას. 

E ვიტამინი ამაღლებს ეპილეფსიის საწინააღმდეგო სამკურნალო საშუალებების ეფექტურობას ეპილეფსიით დაავადებულ ავადმყოფებში (რომელთაც მომატებული აქვთ ლიპიდების ზეჟანგი პროდუქტების შემცველობა სისხლში). 

400 ერთ/დღე-ღამეში დოზაზე მეტი E ვიტამინის და ანტიკოაგულანტების (რომლებიც წარმოებულია კუმარინით და ინდანდიონით) ერთდროული გამოყენება ზრდის ჰიპოპროთრომბინემიის და სისხლდენის განვითარების რისკს. Fe-ს დიდი დოზები აძლიერებს ჟანგვის პროცესს ორგანიზმში, რაც ზრდის E ვიტამინის მოთხოვნილებას.

ალფა-ტოკოფერილაცეტატის მიღება  არ არის რეკომენდებული ოქროს, ვერცხლის პრეპარატებთან ერთად, ტუტე-რეაქტიულ საშუალებებთან ერთად.

კორტიკოსტეროიდული პრეპარატები, ტეტრაციკლინის ჯგუფის ანტიბიოტიკები, ასევე ეთანოლი და ეთანოლის შემცველი პრეპარატები აევიტთან ერთად მიღებისას  ამცირებენ თერაპიულ ეფექტს. 

გვერდითი მოვლენები

საჭმლის მომნელებელი სისტემის მხრივ:  მადის დაკარგვა, პირის ღრუს ლორწოვანი გარსის სიმშრალე, კუჭის ტკივილი, ღებინება, გულისრევა.

ღვიძლის და ნაღველმდენი სისტემის მხრივ: ჰეპატოტოქსიკური მოვლენები, პორტალური ჰიპერტენზია. 

კანის და კანქვეშა უჯრედისის მხრივ:  ტუჩების და კანის სიმშრალე და ნახეთქები, ყვითელ-ნარინჯისფერი ლაქები ფეხისგულებზე და ხელისგულებზე, ცხვირ-ტუჩის სამკუთხედში, კანქვეშ შეშუპეპა, ცალკეულ შემთხვევებში მიღების პირველ დღეს შეიძლება გაჩნდეს ლაქოვან-პაპულური გამონაყარი ქავილის შეგრძნებით, რომლის შემთხვევაში პრეპარატის მიღება უნდა შეწყდეს. 

ნერვული სისტემის მხრივ: ასთენია, გადაქანცულობა, ძილიანობა, დისკომფორტი, თავის ტკივილი, გაღიზიანებულობა, თვალის შიდა ჰიპერტენზია, მხედველობის დარღვევა, სიარულის დარღვევა.

შარდმდენი სისტემის მხრივ:  პოლაკიურია, ნიკტურია, პოლიურია.

სისხლის სისტემის მხრივ:  ჰემოლიზური ანემია. 

საყრდენ-მამოძრავებელი აპარატის მხრივ:  ძვლების ტკივილი, გრძელი მილისებური  ძვლების ჰიპეროსტოზი (ძირითადად ბავშვებში), ზრდის ეპიფიზარული ზონების ნაადრევი დახურვა. 

სხვა: ჰიპერთერმია, თმების ცვენა, ფოტოსენსიბილიზაცია, სხეულის მასის შემცირება, ჰიპერკალციემია. 

დოზის შემცირებით ან სამკურნალო საშუალების მიღების დროებით შეწყვეტით გვერდითი მოვლენები თავისით გადის.

კანის დაავადებების დროს სამკურნალო საშუალების მაღალი დოზით მიღებამ მკურნალობის დაწყებიდან 7-10 დღის მერე შეიძლება გამოიწვიოს ადგილობრივი ანთებითი რეაქციის გამწვავება, რომელიც არ საჭიროებს დამატებით მკურნალობას და შემდგომში მცირდება. ეს ეფექტი დაკავშირებულია პრეპარატის მიელო- და იმუნომასტიმულირებელ მოქმედებასთან. 

ზედოზირება

A ვიტამინის ზედოზირების სიმპტომები: პრეპარატის დიდი ოდენობით ერთჯერად მიღებას თან სდევს ზურგის ტვინის სითხის წნევის უეცარი აწევა (თვით ლიქვორის პათოლოგიური ცვლილების გარეშე), ძლიერი თავის ტკივილები, ძილიანობა, მხედველობის მოშლა (დიპლოპია). მძიმე შემთხვევებში ვითარდება კრუნჩხვითი შეტევები, გულის უკმარისობა. ხანგრძლივი მოხმარებისას შეიძლება განვითარდეს A ჰიპერვიტამინოზი, რომელიც ვლინდება ნერვული სისტემის დაზიანებებით (თავის ტკივილი, უძილობა, გაღიზიანებლობა, აპათია, პარესთეზია), ზოგადი სისუსტე, მადის დაკარგვა, ტემპერატურის აწევა, კანის საფარველის მხრივ ცვლილებები (სიმშრალე და ნახეთქები ხელისგულებზე და ფეხისგულებზე, პიგმენტური ლაქების გაჩენა, თმის ცვენა, სებორეული გამონაყარი), სიყვითლე, ძვლების და კუნთების ტკივილი, სიარულის დარღვევები, ღვიძლის და ელენთის გადიდება, მხედველობითი ნერვის დისკის შეშუპეპა, სისხლის სურათის ცვლილება.  

E ვიტამინის ზედოზირების სიმპტომები:  კრეატინურია, დიარეა, ტკივილები ეპიგასტრიუმის არეში, შრომისუნარიანობის დაქვეითება, ჰეპათომეგალია, ჰიპერბილირუბინემია (20 მგ/დლ-ზე მეტი), აზოტემია (40 მგ/დლ-ზე მეტი), თრომბოციტოპენია (50-60 ათას/მკლ), თირკმლის უკმარისობის სიმპტომები, ტვინში და თვალის ბადისებრ გარსში სისხლჩაქცევა, ასციტი.

მკურნალობა:  სიმპტომატური; ანტაგონისტის სახით უნიშნავენ L-თიროქსინს, და ასევე  ასკორბინის მჟავას. აუცილებელია პრეპარატის მიღების შეწყვეტა. 

უკუჩვენება

„აევიტის“ კაფსულების მიღება უკუნაჩვენებია A და E ჰიპერვიტამინოზის, თირეოტოქსიკოზის, გლომერულონეფრიტის, ქრონიკული გულის უკამარისობის, პრეპარატის კომპონენტების მიმართ მომატებული მგრძნობელობის, სარკოიდოზის ანამნეზში, ნაღველკენჭოვანი დავაავადების, ქრონიკული პანკრეატიტის დროს და ბავშვებისთვის და 18 წლამდე მოზარდებისთვის.  

პრეპარატი უკუნაჩვენებია ორსულობის დროს. 

გამოშვების ფორმა

რბილი ჟელატინის სფეროს ფორმის კაფსულები ჭდით ღია ყვითელი ფერიდან მუქ ყვითელ ფერამდე, 15 კაფსულა კონტურულ უჯრედოვან შეფუთვაში, 2 კონტურული უჯრედოვანი შეფუთვა №15 სამედიცინო გამოყენების ინსტრუქციასთან ერთად შეკვრაში.

შენახვის პირობები

ინახება ნესტისგან და სინათლისგან დაცულ ადგილას 15 -დან 25  -მდე ტემპერატურაზე.  ინახება ბავშვებისთვის მიუწვდომელ ადგილას.

ვარგისობის ვადა

2 წელი. არ გამოიყენოთ შეფუთვაზე მითითებული ვარგისიანობის ვადის გასვლის შემდეგ.

 გაცემის წესი:                      

ფარმაცევტული პროდუქტის ჯგუფი III, გაიცემა რეცეპტის გარეშე.