23

დახასიათება

Chivas Regal Royal Salute შოტლანდიური ბლენდური ვისკი. 21-წლიანი დაძველებით, რომლის რეცეპტიც 1953 წელს შეიქმნა და დღემდე იწარმოება. ვისკის აქვს ინტენსიური ოქროსფერი შეფერილობა. იგი დამზადებულია უმაღლესი ხარისხის ალაოსა და მარცვლეულის ვისკის ნაზავით შპეისაიდის ველში მდებარე Strathail დისტილერიიდან. არომატში მკვეთრად იგრძნობა ხილის - ტკბილი ფორთოხლის, ატმის - მარციპანისა და თხილის ელემენტები. გემო არის ძალიან მდიდარი რბილი, სასიამოვნო რძის შოკოლადის, ციტრუსისა და კარამელის ნოტებით, ფინიში კი ელეგანტური და გრძელია.

ბრენდის ისტორია

Chivas Brothers დაარსდა 1801 წელს ორი ძმის, ჯონ და ჯეიმს ჩივასების მიერ. თავდაპირველად ისინი ყიდიდნენ მრავალ დელიკატესს მთელი მსოფლიოდან, იქნებოდა ეს ძვირადღირებული ყავა, სანელებლები, ოკნიაკი, რომი კარიბის ზღვის რეგიონიდან და სხვა, თუმცა შოტლანდიაში ვერ იპოვეს ვისკი, რომელიც მათ სტანდარტებს დააკმაყოფილებდა, ამიტომ გადაწყვიტეს, თავიანთი ხელით შეექმნათ საკუთარი მაღალი ხარისხის ვისკი. ახალი სასმელი ელვის სისწრაფით მოედო შოტლანდიას და მაღალი ფენის საზოგადოების დიდი მოწონებაც დაიმსახურა. მე-20 საუკუნის დასაწყისში ძმებმა ჩივასებმა გადაწყვიტეს მაღალი ასაკის ვისკის წარმოება აშშ-ში საექსპორტოდ, სადაც სწრაფად განვითარებადი ეკონომიკის გამო დიდი მოთხოვნა იყო ფუფუნების პროდუქტებზე. ვისკის ამ სახეობას ერქვა Chivas Regal 25 და იყო შოტლანდიური ვისკის წამყვანი ბრენდი ამერიკულ ბაზარზე, სანამ 1920 წელს აკრძალვა შევიდა ძალაში. აკრძალვის გაუქმების შემდეგ Chivas დაბრუნდა ამერიკულ ბაზარზე Chivas Regal 12-ის სახელით. ის გახდა ეპოქის სტილის სასმელი. დღეს კომპანია Pernod Ricard-ის მფლობელობაშია და აქტიურად აგრძელებს ვისკის წარმოებას.