ეროვნული კონფერენცია ვეტერინარიაში

National Veterinary Conference 01

ვეტერინარული კომპანიების „ინვეტი“ და „როქი“, ასევე ასოციაციის „მომავლის ფერმერი“ ერთობლივი ორგანიზებით, თბილისში, სასტუმრო „ჰოლიდეი ინი“–ს საკონფერენციო დარბაზში, ვეტერინარიის დარგში ეროვნული კონფერენცია ჩატარდა. 

კონფერენცია მიზნად ისახავს, ვეტერინარიასთან დაკავშირებულ კერძო და სამთავრობო სექტორებს შორის ეფექტური კოორდინაციის ჩამოყალიბების ხელშეწყობას, რომელიც საბოლოო ჯამში მეცხოველეობის ინდუსტრიის განვითარებას ემსახურება. ვეტერინარიაში არსებული პრობლემების ერთობლივად მოგვარება კი ხელს უწყობს, როგორც ფერმერთა საქმიანობის ხარისხის და  სარგებლიანობის ზრდას, ასევე ქვეყანაში უვნებელი სურსათის წარმოებას. 

კონფერენციაზე, კერძო სექტორის ადგილობრივმა წარმომადგენლებმა, სამთავრობო სტრუქტურებთან ერთად, ვეტერინარიაში არსებული პრობლემები განიხილეს. ამასთან ერთად, სპეციალური სტუმრის სტატუსით მოწვეულმა, კერძო ვეტერინარული კლინიკის დირექტორმა შვეიცარიიდან, ჰანს ჯეიკობ ლოინბერგერმა კონფერენციის მონაწილეებს ადგილობრივ კერძო და სამთავრობო სექტორებს შორის ერთობლივი მუშაობის სპეციფიკა და გამოცდილება გაუზიარა. 

კონფერენცია ჩატარდა პროექტის „MOLI კახეთში“ მხარდაჭერით, რომელიც შვეიცარიული ფონდის „HEKS/EPER სამხრეთ კავკასიაში“ მიერ, „შვეიცარიის განვითარებისა და თანამშრომლობის სააგენტოს“ დაფინანსებით ხორციელდება.  

 

 

 

დონორი

sco logo

 

პროექტის განმახორციელებელი

HE H

ღვთისმშობლის ქ. 10, 2200, თელავი, საქართველო. ტელ. (+995 355) 235022