საქართველოს რძის ასოციაციის ვიზიტი ბრუსელსა და გერმანიაში

Dairy Flash

საქართველოს რძის გადამამუშავებელთა ასოციაცია საქრძე თავისი მისიით რძის გადამამუშავებელ, ადგილობრივ მეწარმეთა ინტერესების ლობირებას ემსახურება. პროექტი MOLI კახეთში, ასოციაციასთან, რძის გადამამუშავებელ მცირე და საშუალო მეწარმეთა მდგრადობისა და განვითარების ხელშეწყობის მიზნით თანამშრომლობს, რომლის ფარგლებშიც უკვე არაერთი სასწავლო ტური თუ ერთობლივი ღონისძიება ჩატარდა. 

2018 წლის, 3 -დან 7 სექტემბრის ჩათვლით, პროექტის MOLI კახეთში მხარდაჭერით, ასოციაცია საქრძის პრეზიდენტი ერეკლე გამყრელიძე, აღმასრულებელი დირექტორი კახაბერ კონიაშვილი, საერთაშორისო ექსპერტი სოფლის მეურნეობაში, არმინ ჰუტენლოხერი, MOLI პროექტის გუნდის ხელმძღვანელი ალექსანდრე ღოღობერიძე და ბიზნეს გარემოს განვითარების კოორდინატორი ელენე თხლაშიძე, ევროპის რძის გადამამუშავებელთა ასოციაციასთან (EDA) ურთიერთობის ჩამოყალიბების მიზნით, სამუშაო ვიზიტით ბრუსელში იმყოფებოდნენ. 

შეხვედრაზე, ევროპის რძის გადამამუშავებელთა ასოციაციის აღმასრულებელი მდივანი, ალექსანდერ ანტონი, ქართულ დელეგაციას, ასოციაციის მუშაობის სპეციფიკაზე, მისიასა და მათთან თანამშრომლობის პერსპექტივასა და სარგებელზე ესაუბრა. 

ევროპის რძის გადამამუშვებელთა ასოციაცია წარმოადგენს ერთიან პლატფორმას, რომელიც ერთმანეთთან არა მხოლოდ რძის მწარმოებლებს, არამედ რძის ინდუსტრიასთან და ზოგადად სოფლის მეურნეობასთან დაკავშირებულ კომპანიებსა და ორგანიზაციებს, „ლაქტოსფეროში“ არსებული საკითხების სიღრმისეულად და მასშტაბურად განხილვის მიზნით აკავშირებს. 

ევროპის ასოციაციასთან ურთიერთობა, განსაკუთრებით მნიშვნელოვანია, ევროპასთან ასოცირების ხელშეკრულების ფარგლებში, ნაკისრი ვალდებულებების აღსრულების პროცესში. ევროპის რძის გადამამუშვებელ ასოციაციასთან თანამშრომლობით, ქართველ მეწარმეებს, არა მხოლოდ, ევრო რეგულაციებთან და ცვლილებებთან დაკავშირებულ სიახლეებთან რეგულარული წვდომის, არამედ, შესაბამის ორგანიზაციებთან, თავიანთ საქმიანობასთან დაკავშირებული საკითხებისა და პრობლემების დასმის შესაძლებლობა ეძლევათ.   

ამავე ვიზიტის ფარლგებში, ქართული დელეგაცია, გერმანიის რამდენიმე ქალაქში არსებულ სახელმწიფო ლაბორატორიას, მუშაობის პრინციპის გაცნობის მიზნით ესტუმრა. 

ვიზიტის ბოლოს კი, დელეგაცია საქართველოს ელჩს გერმანიაში, ელგუჯა ხოკრიშვილს შეხვდა და ბრუსელსა და გერმანიაში სამუშაო შეხვედრების მისიასა და შესაძლებლობებზე ესაუბრა. 

 

 

 

დონორი

sco logo

 

პროექტის განმახორციელებელი

HE H

ღვთისმშობლის ქ. 10, 2200, თელავი, საქართველო. ტელ. (+995 355) 235022